VITA ya maneno imeendelea baina ya makocha wenye majina makubwa ndani ya Ligi Kuu England, ambapo suala la usajili ndilo linalowafanya makocha hao kutupiana vijembe kila kukicha.
Baada ya kocha wa klabu ya Arsenal, Arsene Wenger na yule wa Liverpool, Jurgen Klopp kutoa yao ya moyoni juu ya United kutumia zaidi ya pauni milioni 90 kwenye uhamisho wa Paul Pogba, Mourinho ameibuka na kuwajibu makocha hao.
Mreno huyo amedai kuwa makocha hao wanapiga kelele kutokana na timu wanazozifundisha kutokuwa na uwezo wa kutumia fedha kusajili wachezaji wenye majina makubwa.
“Najua na ninaelewa kinachoendelea nje ya United, kwenye mchezo wa soka rekodi huwa zinavunjwa muda mwingine na hili linawezekana tu ndani ya klabu kama Man United.
“Ninaposikia maoni ya makocha wengine wakisema kusajili hivi ni tatizo, sidhani kama wamewahi kuwa na hili tatizo kwa sababu hawapo kwenye timu kubwa kama hii ya Man United.”
Blogger Comment