LONDON, England
KOCHA wa Manchester United, Jose Mourinho tayari ameanza vituko ikiwa ni siku chache tu tangu aanze kazi ya kuifundisha timu hiyo, ambapo aliamua kutoa kali ndani ya ndege.
Ilikuwa hivi, Man United kwa sasa ipo China kwa ajili ya ziara ya maandalizi ya msimu, lakini wakati timu hiyo ikipanda ndege kutoka England, Mourinho aligundua kuwa siti yake ni ya daraja la juu ‘business class’ tofauti na ile ya wasaidizi wake, alikuja kugundua hilo akiwa tayari ndani ya ndege.
Baada ya kuona hivyo na akijua safari ni ndefu, akatoka katika siti aliyokuwa amekaa, akaenda katika siti za makocha wenzake na kujiunga nao.
Mourinho alikaa hapo mpaka mwisho wa safari kwa kuwa safari ilikuwa ya saa 12 na aliona atakuwa mpweke kule kwa ‘vibopa’, hivyo akaamua kujichanganya na wenzake ili wapige stori.
Blogger Comment