Wakati mkutano mkuu wa chama cha CUF ukiendelea leo jijini Dar es Salaam hali ilikuwa tete baada ya aliyekuwa mwenyekiti wa chama hicho Prof.Ibrahim Lipumba kuvamia mkutano huo akiwa na kundi kubwa la vijana na kuanza kurusha machupa hali iliyoleta taharuki kubwa kwa wajumbe wa mkutano huo.
Mmoja wa wajumbe wa mkutano huo mkuu wa chama ndugu Thabiti Salim amesema wameshangazwa sana na Prof.Lipumba kufanya uvamizi huo ambao umesababisha uharibifu wa mali mbali mbali kama vile viti,meza na huku baadhi ya wajumbe wakipoteza mali zao katika harakati za kujiokoa.
Hata hivyo Thabiti Salim amesema kuwa kitu kikubwa ni kwamba tayari mkutano huo wa wajumbe zaidi ya 700 ulikuwa umeitambua barua ya kujiuzulu uenyekiti kwa Prof.Lipumba.
Aliongeza kuwa chama kinapanga tarehe nyingine ya mkutano na kuahidi kuwa chama kitachukua hatua za kisheria.
Hata hivyo polisi walifika mahali hapo na kutuliza vurugu na mpaka sasa hakuna taarifa za mtu yeyote aliyepoteza maisha.HABARI KAMILI TUTAENDELEA KUKUJUZA.
Blogger Comment