Nilikata tamaa ya maisha - Raymond

Msanii wa muziki kutoka katika 'Label' ya WCB Wasafi Raymond amefunguka na kusema kuwa ilifika wakati alikata tamaa kabisa juu ya maisha hususani maisha ya muziki baada ya kusota kwa muda mrefu bila mafanikio.

Msanii Raymond akifurahi baada ya kupewa zawadi ya gari aina ya Rav 4 na uongozi wake kwenye siku yake ya kuzaliwa jana Agosti 22, 2016

Raymond ameandika maneno haya wakati akitoa maneno ya pongezi na shukrani kwa uongozi wake mzima wa WCB Wasafi kutokana na namna walivyoweza kumbadilisha na kumpigania mpaka leo hii maisha yake yamebadilika na kufanya vizuri katika muziki ambao awali alishaukatia tamaa nao.

"Nimeamini Mungu hana upendeleo. Nilikuwa mtu nilie jikatia tamaa ndani ya miaka takribani minne, nilikuwa nikihangaika na muziki wangu lakini nakushukuru sana sana kaka lao Diamond Platnumz umenifundisha vitu vingi sana hadi leo naiona njia, Boss wangu Babu Tale ni mwaka wa tano sasa toka umenijua, umenivumilia kwa mengi hadi leo hii haujanichoka na unanisaidia kwa moyo mmoja". Aliandika Raymond

Mbali na hilo Raymond aliendelea kutoa shukrani kwa viongozi wake wengine huku akisema kwa mafanikio aliyopata sasa anaamini Madee anafurahia maana anajua jinsi gani ambavyo amehangaika na muziki.

"Asante sana Boss Sallam Sk kwakupigania kila siku thamani ya muziki wangu, nakuakikisha nafika sehemu nzuri Mkubwa Fella wewe ni zaidi ya mzazi maana umenilea nakunifundisha mengi kwenye muziki. Made Ali sitoacha kukushukuru kaka lao wewe ni kioo naamini unafurahi kuniona mdogo wako hapa nilipo maana unanijua sana". Aliongeza Raymond

SOURCE; EATV NEWS

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.